Таджикистан – Энциклопедия на таджикском языке КИТОБАМ

ТОДУА Магали Ареевич (таваллуд 19. 1. 1927, Салхино, Ресспубликаи Совети Сотсиалистии Гурҷистон), шарқшинос-эроншиноси советии гурҷӣ. Асосан ба омӯзиши масъалаҳои равобити адабиёти форс-тоҷик ва гурҷӣ машғул аст. Зиёда аз 40 тадқиқот дорад. Ашъори лирикии Рӯдакӣ, гулчини шеърҳои шоирони форс-тоҷик ва осори Ҷалолуддини Румӣ дар тарҷумаи ӯ дастраси хонандагони гурҷӣ гардидаанд.

ТОВУС, мурғи биҳишт (Раvо), як навъ мурғи зебост аз оилаи тазарвиҳо. 2 намуди Товус (муқаррарӣ — Р. сristetus ва кабудбол — Р. muticus) маълум аст. Товуси муқаррарии нарина хеле хушранг аст; дарозии танаш 100—125 см, думаш 40—45 см. Парҳои болои думаш (калал), ки онҳоро иштибоҳан дум меҳисобанд, хеле дарозанд (120— …

ТОГО, Республикаи Того (Republicue Тоgolais), давлатест дар Африкаи Ғарбӣ. Масоҳаташ 56,6 ҳазор км\ Аҳолиаш қариб 2,8 млн нафар (1983); халқҳояш эве, кабре, мина, уачи ва ғайра. Забони расмӣ — франсавӣ. Аз се ду қисми диндорон бадину ояти маҳаллӣ, аз панҷ як қисмашон ба масеҳия ва боқимонда ба ислом эътиқод доранд. …

ТОВУС (лотинӣ Раvо), бурҷест дар Нимкураи ҷануби осмон. Қадри зоҳирии муниртарин ситорааш ба 2,0 баробар аст. Аз ҳудуди СССР намоёя нест. Нигаред низ Осмон.

ТОВОНИ ҶАНГ, дар ҳуқуқи байналхалқӣ, мувофиқи шартномаи сулҳ ё дигар актҳои байналхалқӣ ба давлати зарардида баргардондани товони зиёне, ки давлатҳои ҳуҷумкунанда ба он расондаанд. Ҳаҷм ва хусусияти Товони ҷанг мувофиқи зиёни моддӣ муайян мешавад. Нигаред низ Контрибуция.