Таджикистан – Энциклопедия на таджикском языке КИТОБАМ

БОҚИИ ХУМДОНАКӢ шоири тоҷик (асри 16). Дар Самарқанд таваллуд ёфта, зиндагию эҷод карда­аст. Мувофиқи маълумоти тазкиранигор Мутрибӣ Боқии Хумдонакӣ шоири бомаҳорату хуштабъ будааст. Мутрибӣ инчунин аз соҳибдевон буданаш итгилоъ додааст. Абёти зерин на­мунае аз ашъори Боқии Хумдонакӣ мебошанд: Набарад меҳри ту аз синаи ман моҳи касе, Ҷаҳд кун, то набувад …

БОҚИИ РУДӢ (соли таваллуд номаълум, Бухоро – 1560, Ҳирот), оҳангсоз, сароянда, мусиқидон ва шоири тоҷик. Асосҳои ибтидоии шеъру мусиқиро аз падараш омӯхта, барои такмили донишу ҳунар ба Самарқанду Марв ва Ҳирот сафар кардааст. Аз ҷавонӣ ба фарогирии навохтани созҳои мусиқӣ, бахусус руд, қонун, барбат (уд), танбӯр ва зарбгарӣ (дафу доира) …

БОҚИИ МОВАРОУННАҲРӢ шоири тоҷик (асри 16). Ҷузъиёти шарҳи ҳолаш дар тазкираҳо наомадааст. Дар тазкираи «Арафоту-л-ошиқин»-и Тақиуддини Авҳадӣ рубоии зерин ба ӯ нисбат дода шудааст: Себи зақанат, ки дода дилҳо ба ҷунун, Ҳолест бар он, ки мебарад дил ба фусун. Не-не, ғалатам ба ғояти лутфу сафо, Себест, ки донааш намояд зи …

БОҚИИ КӮЛОБӢ Ҳаётҷон (фавт 1579, Ҳиндустон), шоири тоҷик. Мувофиқи маълумоти маъхазҳо Боқии Кӯлобӣ дар минтақаи Кӯлоби сарзамини Мовароуннаҳр (ҳоло Ҷумҳурии Тоҷикистон) ба дунё омада, дар ҳамин ҷо ба таҳсил пардохтааст ва илму донишҳои маъмулии он айёмро фаро гирифтааст. Кай ва ба кадом сабаб ба Ҳиндустон рафтани Боқии Кӯлобӣ маълум нест. …

БОҚИИ КОШОНӢ шоири эронӣ (асри 17). Дар бораи ин шоир тазкиранигор Малеҳои Самарқандӣ дар асараш «Музаккиру-л-асҳоб» маълумоти ҷолибе овар­да, ӯро чун шоири хушбаёну хуштакаллум ёд кардааст. Мегӯяд, ки: «Алҳақ ибораташ ҷонӣ буд, дар латофат ёқути рангин менамуд. Дар тароват алфози дилфиреби ӯ бар маонӣ шухиангезтар аз хандаи шакарлабон, мазмунҳои бикри …