МУСҲАФӢ Ғуломи Ҳамадонӣ

МУСҲАФӢ Ғуломи Ҳамадонӣ (тақрибан 1750, шаҳри Амроҳа —1824), шоири ҳинду. Ба забонҳои урду ва форсӣ менавишт. Ба ӯ 8 девони ашъорро нисбат додаанд. Ғазал, қасида ва маснавиҳояш дар мавзӯъҳои анъанавӣ эҷод шудаанд. Мусҳафӣ ҳамчун устоди шеър шӯҳрат дорад. Ғазалҳояш рангоранг, услуб ва забонаш содда. Мусҳафӣ муҳаққиқи таърихи адабиёт низ мебошад. Аз ӯ ду тазкира боқӣ мондааст: «Тазкираи ҳиндӣ» ва «Риёз-ул-фусаҳо». Асари сеюми Мусҳафӣ— «Икди Сурайё» низ тазкирамонанд буда, шарҳи ҳоли шоирони форсизабони Ҳиндустонро дар бар мегирад.