РАСМИЯТИ МУРОФИА

РАСМИЯТИ МУРОФИА, дар мурофиаи ҷиноятии советӣ талаби қонунро гӯянд, ки мувофиқи он органҳои тадқиқи ибтидоӣ, муфаттиш, про­курор ва суд ошкор намудани кори ҷиноятиро дар асоси ваколати ба онҳо додашуда сарфи назар аз хоҳиши шахсони манфиатдор ба манфиати давлат ва ҷамъият давом медиҳанд. Дар ҳолати пайдо шудани нишонаҳои ҷиноят ин органҳо вазифадоранд, ки дида баромадани кори ҷиноятиро cap кунанд ва ҳамаи чорабиниҳои дар қонун пешбинишударо қабул намоянд, то ки ҷиноят ош­кор шуда, ягон ҷинояткор бе ҷазо намонад ва ягон гражданин ғайриқонунӣ ва беасос ба ҷавобгарӣ кашида нашавад.