Таджикистан – Энциклопедия на таджикском языке КИТОБАМ

Пантомима (аз юн. pantomimos — тақлид), навъи санъати театрист, ки дар он ҳаракати бадан, имову ишора ва мимикаи ҳунарпеша во­ситаи асосии офаридани образи ба­деӣ аст. Дар Европа Пантомима аз театри Юнон ва Рими Қадим ибтидо мегирад. Пантомимаое низ вуҷуд дорад, ки он якҷоя бо мусиқӣ, суруд ва деклама­тсия иҷро мегардад. …

Пантометр [аз юн. рan (раtos)— ҳама ва …метр], афзори геодезӣ (ниг. расм) барои дар маҳалҳо чен кар­дани кунҷҳои вер­тикалӣ ва гори­зонталӣ. Пантометрро одатан барои суратгирии топографии ҷангалҳо ва ботлоқҳои торфӣ истифода мебаранд. Хатои ҳисоб аз рӯи вернери дои­раи горизонталӣ ба 2 баробар мебошад.

Пантокрин (аз муғ. панта — шоҳи ба устухон табдил наёфтаи гавазн ва юн. krino—ҷудо мекунам), ҷавҳари моеи спиртист, ки аз шохҳои (пантҳои) ба устухон табдилнаёфтаи марал, изюбр ва хонгул тайёр мекунанд. Пантокринро дар ҳолатҳои сустии умумии организм, гипотония ва ғайра дар намуди қатра ё маҳлул чун во­ситаи дармон истифода мебаранд.

Пантограф (аз юнонӣ рan, раntos— ҳама ва grapho —менависам), асбобест барои рӯбардор кардани наҳшаҳо, харитаҳо ва ғайраҳо дар миқёси хурд. Пантографро бо андозаҳои гуногун ва конструксияҳои ҳархела месозанд. Масалан, дар расм Пантографи овеза тасвир ёфтааст, ки вазни хаткашҳои онро тарангии ресмонҳои кашанда кам мекунад ҳаракати Пантограф овеза назар ба конструксияҳои …

Пантикапей (юнонӣ Pantikapai- on), шаҳри атиқа дар Қрими Шарқи (ҳозира шаҳри Керч). Дар нимаи якуми асри 6 то мелод онро зодагони Ми­лет бунёд кардаанд. Шояд пеш ин ҷо тиҷоратгоҳи иониҳо бошад. Номи шаҳр, эҳтимол, аз ибораи эронии пантикапа — роҳи моҳӣ (ишора ба сермоҳигии халиҷи Керч) ба вуҷуд омадааст. Пантикапей …