ХОКИСТАР, омехтаи минерале аст, ки баъди пурра сӯхтани сӯзишворӣ боқӣ мемонад. Хокистари ангиштсанг ва ангишти бӯр тақр. аз 1 то 45%, сланецҳои сузанда аз 50 то 80%, торф аз 2 то 30%, ҳезум одатан камтар аз 1%, дигар навъҳои сузишвории растанигӣ 3—5% ва мазут аксар вақт то 0,15% аст.
Дар саноати масолеҳи бинокорӣ Хокистарро барои истеҳсоли баъзе навъҳои бетон истифода мебаранд. Аз Хокистари баъзе навъҳои ангишт элементҳои нодир (масалан, германий ва галлий) мегиранд. Хокистарро дар хоҷагии қишлоқ чун нурии калийдор ба кор мебаранд. Онро растанӣ ба осонӣ азхуд мекунад. Дар Xокистар дигар моддаҳои минерал» (фосфор, калций, магний, сулфур, бор, манган ва микроэлементҳо)-и барои растанӣ зарур низ мавҷуданд.