УЛАН-УДЭ (то 1931 — Верхнеудинск), пойтахти Республикаи Автономии Совети Сотсиалистии Бурят., истгоҳи киштиҳо дар ҷои якшавии дарёи Уда ба дарёи Селенга. Узели роҳи оҳан. Аҳолиаш 329 ҳазор нафар (1984). Соҳаҳои асосии саноаташ: мошинсозӣ, коркарди металл, чӯбкорӣ.
Инчунин комбинатҳои моҳути маҳин, гӯшту консерва, заводи калони шиша мавҷуданд. 4 донишкадаи олӣ, филиали Шӯъбаи сибирии Академияи Фанҳои СССР, 4 театр ва 4 музей дорад. Шаҳр соли 1666 бунёд шудааст; аз соли 1923 пойтахти РАСС Бурят.