СОМӢ Мирзо Ҷонибеки Бадахшӣ

СОМӢ Мирзо Ҷонибеки Бадахшӣ (соли таваллуд ва вафот номаълум), шоири форсизабони Ҳиндустон (асри 17). Падараш аз Осиёи Миёна ба Ҳиндустон рафта буд; Сомӣ дар Кашмир ба дунё омадааст. Дар Деҳлӣ зиндагӣ ва эҷод кардааст, баъзан бо нисбаи «Деҳлавӣ» низ ёд мешавад. Аз осори ӯ абёти пароканда аз қасидаҳо, ғазалҳо ва ғайра ба воситаи тазкираҳо боқӣ мондаанд. Мавзӯи ашъори Сомӣ ишқ, ҳасби ҳол ва ғайра мебошанд.