Нимейер Оскар

Нимейер (номи пуррааш Нимейер Суарис Филю Nimejer Soares Fil-ho) Оскар (таваллуд 15. 12. 1907, Рио- де-Жанейро), меъмори Бразилия.

Аъзои Партияи Коммунистии Бра­зилия. Мактаби санъати миллии Рио-де-Жанейроро хатм намудааст (1934). Яке аз асосгузорони мак­таби меъмории муосири Бразилия.

Дар лоиҳаҳои Нимейер тамоми имкониятҳои конструксияҳои оҳану бетон ва материалҳои дигар пурра ба назар гирифта шу­даанд. Дар асоси лоиҳаҳои меъмор биноҳое ба вуҷуд меоянд, ки хеле шинам, ба релефи маҳал мувофиқ ва назаррабоянд: банки Боависта (1946), госпитали «Америкаи Ҷанубӣ» (1953), меҳмонхонаи «Насионал» (1970)— ҳама дар Рио-де-Жаяейро; Музеи санъатҳои нафиса Дар Кара­кас, Венесуэла, (1955—56). Аз соли 1957 дар сохтмони пойтахти нави Бра­зилия шаҳри Бразилия иштирок дорад. Биноҳои ҳукуматӣ, маъмурӣ ва истиқоматии ин ҷо бо шаклҳои аҷоиби худ фарқ мекунанд. Нимейер аъзои Президиуми Совета Умумиҷаҳонии Сулҳ, лауреати Мукофоти байнал- халқии ленинӣ «Барои мустаҳкам кардани сулҳи байни халқҳо» (1963). Бо «Медали тиллоии Сулҳ» (1970) мукофотонида шудааст.