Пасха

Пасха (ҷазираи Пасха), Рапан у и (полинезӣ Rapa Nui; испанӣ Раscua, англисӣ Easter Island), ҷазираи вулқонӣ дар қисми шарқии уқёнуси Ором. Аз ҷиҳати маъмурӣ тобеи Чили. Масоҳат 165,5 километр. Аҳолиаш қариб 2 ҳазор нафар (1972). Кариб 40%-аш аҳолии тагҷоӣ — полинезиҳо. Маркази маъмуриаш — посёлкаи Ханга-Роа.  Ҷазира шакли сегӯшаеро дорад, ки дар ҳар гӯшаи он вулқонҳои Рано- Арои (539 метр — нуқтаи баландтарини Пасха), Катики (377 метр) ва Рано-Као (324 метр) воқеъ гаштаанд.

Вулқонҳоро ҳамвории сертеппаи аз туфсангу базалтҳо таркибёфта аз ҳам ҷудо ме­кунад. Соҳилҳои Пасха шаҳдори душворгузаранд. Иқлимаш субтропикӣ; ҳарорат миёнаи моҳона аз 18 то 23°Селсия; боришоти солона қариб 1300 миллиметр. Аз растаниҳо алафҳои гуногун, инчунин эвкалипту банан мерӯянд. Сокинони ҷазира бо деҳқонӣ, моҳигирӣ, чор­водорӣ ва ғайра машғуланд. Пасха бо ҳайкалҳои сангӣ ва лавҳачаҳои дорои хати иероглифӣ машҳур аст.

Пасхаро 5 апрел 1722 (дар рӯзи иди пас­ха) баҳрнаварди голландӣ Я. Рогге- вен кашф кардааст. Соли 1888 Пасха ба Чили ҳамроҳ карда шуд.