МОШИНҲОИ ҲАМЛУ НАҚЛ

МОШИНҲОИ ҲАМЛУ НАҚЛ, мошину механизмҳоеанд барои ба масофаҳои наздик кашондани бору одамон. Мошинҳои ҳамлу нақл вобаста ба таъинот ба мошину механизмҳои борбардор, мошинҳои нақлиёт, мошинҳои нақлиёти овезон, мошинҳои нақлиёти рӯизаминӣ ва мошинҳои ҳамл ҷудо мешаванд. Мошинҳои ҳамлу нақлии даври (циклӣ) амалкунанда ва бефосила мавҷуданд. Ба Мошинҳои ҳамлу нақлии даври кранӣ борбардор, лифт, домкрат, гаргара ва ғ., ба Мошинҳои ҳамлу нақлии бефосила конвейер, эскалатор, таҷҳизоти нақлиёти писвматикию гидравликӣ, ба Мошинҳои ҳамлу нақлии рӯи заминӣ ва овезон роҳҳои монорелс ва таноброха мансубанд.