Теги: Техника

РАДИОЭЛЕКТРОНИКА, як соҳаи илм ва техника аст, ки ба мақеадҳои ирсол, қабул ва табдили инфор­матсия энергияи электромагнитиро истифода мебарад. Ба Радиоэлектроника ба ҷуз радиотехника шартан техникаи инфрасурх ва оптикаи электрониро низ дохил мекунанд. Радиоэлектроника бо автоматика ва кибернетикаи техникӣ, бо техникаи ҳисоб, электроника зич алоқаманд аст; дар бисёр ҳолатҳо таҷҳизоти …

СОЛИДОЛ (аз лотинӣ solidus — ғализ ва оleum-равған), масолеҳи молиданнест, ки ранги қаҳвагии тира (қариб сиёҳ) дорад. t гуд. 75—90°С; дар об ҳал намешавад. Солидолро ҳамчун равғани молиданӣ дар техника васеъ истифода мебаранд.

МЕХАНИЗМ, (аз юн. mechane — мошин), системаи ҷисмҳост, ки ҳаракати як ҷисм ё гурӯҳи ҷисмҳоро ба ҳаракати матлуби ҷисмҳои дигар табдил медиҳад. Механизм асоси аксари мошинҳоест, ки дар бисьёр асбобу аппарат ва олоти техникӣ истифода мешавад. Ҷисми сахтитаркибӣ (авено) аз як ё чанд детали васлшуда иборат буда метавонад. Пайванди ду …

МОШИНҲОИ ҲАРФЧИН дар полиграфия, мошинҳоеанд, ки барои чопи матнҳо қолабҳои чопӣ тайёр мекунанд. Истифодаи Мошинҳои ҳарфчин охири асри 19 баробари буньёди линотип ва монотип вусъат ёфт. Аз рӯи принципи тайёр кардани қолабҳои чопӣ (тасвири матн) Мошинҳои ҳарфчинӣ се навъ: металлӣ (тасвири матнро ба намуди аломатҳои ҷудогона ё сатрҳои рехтаи рельефа …

МОШИНҲОИ ҲАМЛУ НАҚЛ, мошину механизмҳоеанд барои ба масофаҳои наздик кашондани бору одамон. Мошинҳои ҳамлу нақл вобаста ба таъинот ба мошину механизмҳои борбардор, мошинҳои нақлиёт, мошинҳои нақлиёти овезон, мошинҳои нақлиёти рӯизаминӣ ва мошинҳои ҳамл ҷудо мешаванд. Мошинҳои ҳамлу нақлии даври (циклӣ) амалкунанда ва бефосила мавҷуданд. Ба Мошинҳои ҳамлу нақлии даври кранӣ …

МОШИНҲОИ ХАНДАҚКАН, мошинҳоеанд барои кофтани хандақҳои газопровод, водопровод ва ғ. Узви кории Мошинҳои хандақкан сипарӣ (рамаи) баранда бо кафлесҳо мебошад, ки ба трактори сустгард васл мешавад. Мавриди кандани хандақи бараш 900 мм ва умқаш то 1100 мм, ҳосилнокии кори Мошинҳои хандақкан 45 м/с аст.

МОШИНҲОИ РОХСОЗӢ, мошин ва механизмҳоеанд барои иҷрои комплекси корҳои сохтмон, нигоҳубин ва таъмири роҳҳои автомобил; дар сохтмони гидротехникӣ, саноатӣ, гражданӣ, аэродромҳо, роҳи оҳан ва ғ. низ истифода мешаванд. Барои корҳои тайёрӣ аз мошинҳои кӯчондану решаков кардани дарахтҳо, буридани буттаҳо, мошинҳои сангчин, ковоккунанда ва ғ.; барои корҳои заминковӣ аз скреперҳо, булдозерҳо …

МОШИНҲОИ ОТАШНИШОН, мошинҳоеанд барои фурӯ нишондани сӯхтор (расми 1, расми 2). Мошинҳои оташнишон вобаста ба таъинот асосӣ ва махсус мешаванд. Ба Мошинҳои оташнишон асосӣ автомобилҳои оташнишон (автоцистернаю автонасосҳо), мотопомпаҳо, поезду дрезинаҳои оташнишон, киштиҳои оташнишон (теплоходу катерҳо), ба Мошинҳои оташнишони махсус нардбонҳои сӯхторнишон, автомобилҳои кафкпош, автомобилҳои дорои рӯдаҳои обгузар ва ғ. …

МОШИНҲОИ КОРКАРДИ ПОЧТА, мошинҳоеанд, ки мактубу открыткаҳо, бандерону посылкаҳо, нашрияҳои гуногун ва ғ-ро аз рӯи адресҳо ба навъиёт ҷудо карда, омодаи тақсимот мегардонанд. Ба Мошинҳои коркарди почта мошини маркачаспон, тамгагузор, сарачин, бандпечон, халтадӯз ва ғ. мансубанд. Навъи муштараки Мошинҳои коркарди почта якчанд амалро иҷро мекунад. Ниг. низ Техникаи почта.

МОШИНҲОИ КОММУНАЛӢ, мошинҳои хоҷагии коммуналӣ, ки барои беҳдошти санитарии маҳалҳои аҳолинишину даруни биноҳои ҷамъиятӣ, шустушӯ ва тасфияи химияяи сарулибос хизмат мекунанд. Мошинҳои андозаҳою иқтидорашон хурдтар, ки барои рӯбучини истиқоматгоҳҳо ҷомашӯӣ ва тафсияи химиявӣ таъин шудаанд (мошини ҷомашӯӣ) чангкашон, фаршмол ва ғ.), ба мошинҳои рӯзгор мансубанд.