Таджикистан – Энциклопедия на таджикском языке КИТОБАМ

САДДИ ИСКАНДАРӢ Садди Искандер, Садди Сикандар, деворест, ки мувофиқи ривоятҳо Искандари Мақдунӣ барои бастани пеши роҳи лашкари Яъҷуҷу Маъҷуҷ сохта будааст. Бисёр шоирони классикии форс-тоҷик Садди Искандариро ҳамчун образи шеърй истифода намудаанд: Зи ту дар оина наззора кардан, Зи ман садди Саркандар пора кардан. (Хусрави Деҳлавӣ). Садди Искандарӣ бо номҳои …

САДВАДГ, деҳаест дар Совети қишлоқи Техарви pайони Ванҷи ВМКБ. Территорияи совхози ба номи А. П. Федченко. Аз деҳа то маркази Совети қишлоқ 7 км, то район 31 км. Аҳолиаш 146 нафар (1981), тоҷикон. Мактаби ибтидоӣ дорад. Соҳаҳои асосии хоҷагӣ боғдорӣ, тамоку ва ғаллакорист. Заминҳо аз чашмаҳои кӯҳӣ обёрӣ мешаванд.

САДБАРГҲО, деҳаест дар Совети қишлоқи Лоҳутии pайони Ховалинг, вилояти Кӯлоб. Территорияи совхози ба номи А. Лоҳутӣ. Аз Садбаргҳо то маркази Совети қишлоқ 16 км. Аҳолиаш 350 нафар (1981), асосан тоҷикон. Деҳа мактаби 8-сола, касалхона, фермаи чорвопарварӣ ва магазин дорад. Соҳаҳои асосии хоҷагиаш ғаллакории лалмб, чорвою кирмакдорист.

САДБАРГҲО, деҳаест дар Совети қишлоқи Қаҳрамони pайонни Москва, вилояти Кӯлоб. Территорияи колхози «Правда». Аз деҳа то маркази Совети қишлоқ 2 км, то район 1 км; роҳаш асфалтпӯш. Аҳолиаш 798 нафар (1981), тоҷикон ва ӯзбекҳо. Мактаби миёна, клуб, китобхона ва пункти тиббӣ дорад. Соҳаҳои асосии хоҷагиаш пахтакорӣ ва кирмакдорист. Заминҳо аз …

САДБАРГ, в а р д, гул, гули сурх, гули сурӣ (Rosa), гулест, ки шукуфаҳои калону сербарг ва хушбӯй дорад. Мувофиқи таснифоти ботаника аз ҷинси настаран (оилаи настараниҳо) аст. Навъҳои гуногуни Садбарг дар тӯли асрҳо дар натиҷаи гардолудонӣ, интихобу пайванди намудҳои настаран (Садбаргҳои худрӯй) ба вуҷуд омадаанд. Аввалин маъхазҳое, ки оид …