Таджикистан – Энциклопедия на таджикском языке КИТОБАМ

СОПРАНО (италиёӣ sorpano—баланд), 1) овози баландтарини сарояндагиро гӯянд. Ҷиҳати муҳими Сопрано он аст, ки регистри баландаш нағз инкишоф ёфта бошад. Ба Сопрано одатан овози занон ва бачаҳо рост меояд. Дар хор махсусан овози бачаҳо бисёр форам садо медиҳад (онҳоро диска итистҳо меноманд). Се намуди асосии Сопранои занона мавҷуд аст: драмавӣ, …

СОПОЛИМЕРҲО, полимерҳоеро гӯянд, ки макромолекулаашон ду ё зиёда аз он қисмҳои таркибии гуногун дорад. Сополимерҳоро асосан бо роҳи сополимеризация ё сополиконденсация (дар ин реакция одатан на камтар аз се мовомер иштирок мекунад) ва инчунин ба полимерҳои аз дигар мономерҳо синтезшуда пайванд кардани мономерҳо ҳосил мекунанд.

СОПОЛИМЕРИЗАЦИЯ, полимеризацияи муштараки ду ё якчанд мономерҳост (масалан, бутадиен бо стирол, винилхлорид бо винилацетат), ки барои тағйир додани хосияти (модификацияи) подимерҳо ва ҳосил кардани полимерҳои хосияташон нав истифода мешавад. Сополимеризация имконияти дар асоси мономерҳои маъмул зиёд шудани хелҳои гуногуни полимерҳоро фароҳам меоварад.

СОНГМӢ, ҷамоае дар музофоти Куангнгайи Ветнами Ҷанубӣ, ки номи он рамзи ваҳшонияти ғайриинсонии ҳарбиёни америкоӣ дар давраи ҷанги таҷовузкоронаи онҳо дар Втнам гаштааст. 16 марти 1968 тақрибан 500 нафар аҳолии ҷамоа тирборон, чорво ва киштзорҳо нобуд карда, хонаҳо оташ зада шуданд. Ҳарбиёни америкоӣ бо ин амалиёти разилонаи худ кушиш намуданд …

СОНИЯ дар математика, воҳиди кунҷи ҳамворро гӯянд; ба 1/ 3600 ҳиссаи дараҷа (дараҷаи кунҷӣ) ё 4,848-10—6 ҳиссаи кунҷи рост баробар аст, ” ишора мешавад.