ЧАШМИ ЗОҒ

ЧАШМИ ЗОҒ, зоғчашмак (Pa­ris), як ҷинси гиёҳҳои бисёрсолаест аз оилаи занбақиҳо. Баргаш байзашакл ё нештаршакл, гулаш дар нўги поя мешукуфад, сабзи зардтоб; тармева ё ғӯзаи сиёҳтоб дорад. Махсусан Чашми зоғи чорбарга (Р. quadrifolia) маъмул буда, дар бешаҳо ва байни буттазори минтақаҳои сернам , вомехӯрад. Чашми зоғ растании заҳрнок аст.

Дар тибби халқӣ онро барои табобати касалиҳои гуногун истифода мешавад.