УСТУХОН

УСТУХОН, як навъ бофтаи пайвастии ҳайвоноти мӯҳрадор ва одам аз ҳуҷайраҳою моддаи байниҳуҷайравии сахта иборат аст, ки дорои намакҳои калсий ва сафеда (бештар коллаген) буда, устухонро мустаҳкаму чандир мекунанд.

Якҷоя бо банду буғумҳо, бандакҳо ва мушакҳое, ки тавассути пай ба Устухон васл мешаванд, «дастгоҳ»-и такяю таҳрикро ба вуҷуд меорад. Қобилияти аз нав бар қароршавӣ дорад: ҳуҷайраҳои кӯҳна нобуд гашта, ба нвази онҳо ҳуҷайраҳои нав инкишоф моёбанд. Регонерасия (таҷдид)-и Устухон аз ҳисоби нумуи устухонпарда ба вуҷуд меояд. Роҷеъ ба дардҳои устухон нигаред Остеомолясия, Остеомиелит, Рахит.