ТАВАЛЛУДХОНА дар СССР, муаосисаест, ки дар он ба занҳо ҳангоми ҳомилагӣ, таваллуд ва баъди таваллуд, бемориҳои занона, инчунин ба тифли навзод ёрии тиббӣ мерасонанд. Таваллудхона шӯъбаҳои консултасияи занона ва қабули беморон баъди таваллуд ва патологияи ҳомилагӣ дорад.
То Револютсияи Кабири Сосиалистии Октябр дар ҳудуди ҳозираи Тоҷикистон таваллудхона вуҷуд надошт. Соли 1938 дар шаҳрҳои Душанбе ва Ленинобод аввалин таваллудхонаҳо сохта шуданд. Ҳоло дар РСС Тоҷикистон (1986) 13 таваллудхонаҳои калон мавҷуданд.
М. Дӯлодова,М. Қосимова.