Теги: Нуҷум

ҒУРОБ (ap.; зоғи сиёҳ), бурҷест дар Нимкураи ҷанубии осмон. Қадри ситоравии муниртарин ситораи он ба 2,6 баробар мебошад. Шароити мусоиди мушоҳида моҳҳои март—апр. Аз районҳои ҷанубии СССР дидан мумкин аст. Ниг. низ Осмон.

ШУҶОЪ (ар. ), бурҷест дар нимкураи ҷанубии осмон. Қадри ситорагии визуалии муниртарин ситораи он ба 2,0 баробар аст. Шароити мусоиди мушоҳида моҳҳои февр.— март. Аз мавзеъҳои ҷанубии СССР тамоми сол ва аз терр. боқимондаи он қисман намоён аст. Ниг. низ. Осмон.

ШИҲОБ, ситораи дурахшони парронро меноманд. Дар адабиёти илмии замонавӣ бо номи метеор маъмул аст. Ниг. Метеорҳо.

ШЕЪРОИ ЯМОНӢ, Сириус, ситораи бурҷи Қалби Акбарро номанд, ки қадри ситоравии визуалиаш ба 1,46 баробар мебошад. Ситораи муниртарини осмон буда, равшаноиаш нисбат ба равшаноии Офтоб 22 маротиба зиёд аст. Масофааш аз Офтоб то Ш. я. ба 2,7 парсек баробар аст. Ш. я. як радиф дорад. Радифи Ш. я. ситораест, ки …

ШЕЪРОИ ШОМӢ, Процион, ситораи бурҷи Қалби Асғарро номанд, ки қадри ситоравии визуалиаш ба 0,4 баробар мебошад. Муниртарин ситораи бурҷи Қалби Асғар буда, равшаноиаш ба равшаноии офтоб 7 карат зиёд мебошад. Масофааш то Офтоб ба 3 парсек баробар аст. Ш. ш. системаеро мемонад, ки аз ду ситора иборат мебошад (худи Ш. …

ЦЕФЕЙ (лот. Cepheus), бурҷи назди қутбии Нимкураи шимолиро гўянд, ки қисман дар Роҳи Каҳкашон ҷойгир аст. Дар Цефей манбаи афканишоти рентгении Сер Х-1 — боқимондаи ситораи навтарин (ниг. Ситораҳои навтарин) мавҷуд мебошанд. Цефей аз ҳудуди СССР тамоми сол намудор аст.

ЦЕНТАВР, (лот. Centaurus), Кентавр, бурҷест дар Нимкураи ҷанубии осмон. Дар Центавр ситораи ба Офтоб наздиктарин — Проксимаи Центавр ҷойгир аст. Центавр аз ҳудуди СССР намудор нест.

ХӮША (а — ситораи бурҷи Сунбула), муҳимртарин ситораи бурҷи Сунбуларо гўянд, ки қадри ситорагии визуалиаш ба 1 баробар аст. Равшаноии Xўша назар ба Офтоб 740 маротиба зиёд мебошад. Масофаи Xўша аз Офтоб тақр. 50 пм аст.  

СУҲО, d-ситораи бурҷи Дубби Акбар, қадри ситоравии визуалваш ба 4,0 баробар аст. Масофаи Суҳо то Офтоб 24 пс аст.

СУҲАЙЛ, канопус, а-ситораи бурҷи Думи Киштист. Қадри ситоравии визуалиаш 0,75; равшаниаш аз равшании Офтоб 7800 маротиба зиёд масофа аз Офтоб то ситораи Суҳайл 160 пс буда, дуюмин ситораи равшантарини Осмон аст.