Шаҳрест дар қисми марказии Ҳиндустон, дар штати Маҳараштра, дар соҳили дарёи Нагпур. Аҳолиаш 866,1 ҳазор нафар (1971). Узели муҳими тиҷорату нақлиёт, маркази калони истеҳсоли матоъҳои пахтагин. Соҳаҳои муҳими саноаташ: бофандагӣ, мошинсозӣ, химия, полиграфия, хӯрокворӣ, кулолӣ. Заводҳои шиша, шина ва яхдон низ мавҷуданд. Аз касбҳои ҳунармандӣ бештар зарбофӣ ривоҷ ёфтааст. У-нт (аз 1923), музеи археологӣ дорад. Дар шимоли шарктари Нагпур кони манган ҳаст.
Нагпур асри 18 бунёд шуда, аз солҳои 30 асри 18 пойтахти давлати Бхонсле (конфедератсияи князии Маратҳа) буд. Баъди бо зӯрӣ ҳамроҳ карда шудани давлати Бхонсле (1853) ба Ҳиндустони Британӣ Нагпур маркази маъмурии музофоти Марказӣ гардид. Нимаи дуюми асри 19 ба маркази саноати матоъҳои пахтагин табдил ёфт. Солҳои 1950—1956 маркази маъмурии штати Мадҳя-Прадеш буд.