РАПС (Brassica napus var. napus), гиёҳи яксолаи тирамоҳӣ ё баҳориест аз оилаи чилликгулҳо. Пояаш pocт, 50 — 160 см қад мекашад. Баргаш барбадшакл ё дарозрӯй нештаршакл, гулаш майдаи зард, баъзан сафед, ғилофакмевааш дарози борик(5-11см) тухмаш сиёҳ ва сурхтоб( вазни 1000-тоаш 3 —6 г), серравған (40—50%).
Рапс худрӯй нест. Онро 4 ҳазор сол то мелол низ мекоштаанд. Дар Европа аз асри 16, дар Россия аз асри 19 ин ҷониб кишт мекунанд. Дар дунё соле қариб ба 10 млн га (Ҳиндустон 3,4 млн га, Хитой 2,5 млн га, Канада 1,3 млн га) замин Рапс мекоранд. Аз ҳар га ба ҳисоби миёна 7,7 с тухм мегиранд. Дар СССР Рапс чун зироати равғандор (ҷануби ғарби Украина, Белоруссия, Прибалтика; 3 ҳазор га) ва хӯроки чорво (Белоруссия, Карелия, Кавкази Шимолӣ ва ғайра; қариб 100 ҳазор га) маълум аст. Ҳосилнокии баргу пояи сабзаш 300 с/га. Махсусан навъҳои «Дублинский 3» ва «Намерчанский 2268» маъмулагд. Солҳои охир Рапсро дар республикаи мо низ чун зироати хӯроки чорво мекоранд. Рапс тирамоҳӣ хӯроки серғизои чорвост. Аз он силоси сершира низ тайёр мекунанд.