ПУРКУНАНДА, аъзои пайрави ҷумла буда, бо хабар алоқато муносибати гуногун дорад. Пуркунандаҳо аз рӯи ифода ва муносибат ба хабар ду хеланд: бевосита ва бавосита. Пуркунандаи бевосита предметеро далолат мекунад, ки таъсиру ҳаракати феъли гузаранда — хабар бевосита ба он мегузарад. Ин гурӯҳи Пуркунандаҳо аз рӯи сохт ду намуд доранд. Намуди якум бо ёрии пасоянди -ро ифода ёфта, предмети муайянро нишон медиҳад (ӯ китобро хонд). Дар забоншиносӣ ин намудро Г-и бевоситаи суратёфта меноманд. Намуди дуюм бе пасоянди -ро, бо исм ифода меёбад ва предметро ба таври умумӣ нишон медиҳад (ӯ китоб хонд). Ин намудро Пуркунандаи бевоситаи суратнаёфта меноманд. Пуркунандаи бевосита бо ҳиссаҳои номии нутқ — исм, ҷонишин, шумора, фёълҳои номӣ (масдар ва сифати феълӣ) ифода меёбад. Пуркунандаи бавосита предметеро ифода мекунад, ки таъсиру ҳаракати феъл — хабари ҷумла бо ёрии воситаҳои гуногуни грамматикӣ — пешояндҳо, бандакҷонишинҳои соҳибӣ ва пасояндҳо ба он мегузарад (6а падарам гуфт, гуфтамаш). Баъзан Пуркунандаи бавосита бо ёрии пасоянди -ро низ ифода меёбад, ки онро аз рӯи маънои хабар ва гузориши савол муайян кардан мумкии аст (Маро рӯзе ҳикоят кард бобо). Ба вазифаи Пуркунандаи бавосита ҳиссаҳои номии нутқ бо иштироки пешояндҳои аслӣ ва таркибӣ меоянд.
Ад.: Забони адабии ҳозираи тоҷик. Синтаксис. Дм 1970.
Д. Карамшоев.