ПЛУТОНИЯ

ПЛУТОНИЯ (лот. Рlutonium), Рu, элементи химиявиест, аз гурӯҳи III- юми системаи даврии Менделеев; рақами атомиаш- 94. Хосияти радиоактивӣ дошта, бо роҳи сунъӣ ҳосил карда шудааст. Изотопи Рu-ро солҳои 1940—1941 олимони америкоӣ Г. Сиборг, Э. Макмиллан, Ҷ. Кеннеди, А. Вал дар натиҷаи бо ядроҳои гидрогени вазнин (дейтонҳо) бомбаборон кардани уран кашф карданд. Изотопи собиттаринаш ²⁴⁴Рu.  Хосияти химиявии Плутония ба хосияти химиявии уран ва нептун монанд аст. Дар СССР тадқиқотҳои аввалин оид ба Рu солҳои 1943—1944 зери роҳбарии академикҳо И. В. Курчатов ва В. Г Хлопин оғоз гардиданд. Соли  1949 дар СССР истеҳсоли радиохимиявии Плутония ба роҳ монда шуд. Дар саноат Плутония дар реакторҳои атомӣ аз таъсири мутақобили нейтронҳо ва ядроҳои  ²¹⁸U ҳосил мешавад. ²³⁹Рu дар реакторҳопи атомӣ, бомбаҳои атомӣ ва термоядроӣ истифода мешавад. Аз ²³⁸Рu батареяҳои мӯҷази электрии атомӣ низ месозанд.