ПЛИЕВ Исса Александрович

ПЛИЕВ Исса Александрович (таваллудаш 25. 11. 1903, деҳаи Старий Батакоюрти ҳозира райони Пралобережнии РАСС Осет. Шим.), ходими ҳарбии советӣ, генерали армия (1962), ду карат Қаҳрамони Иттифоқи Советӣ (1944, 1945), Қаҳрамонп РХМ (1971), Аъзои КПСС аз соли 1926. Аз соли 1922 дар хизмати Армияи Советӣ. Мактаби аскарони савора (1926), Академияи ҳарбии ба номи М. В. Фрунзе (1933) ва Академияи ҳарбии Штаби генералиро (1941) хатм кард. Солҳои 1936—1938 дар Армияи халқӣ-револютсионии Муғулистон — машваратчӣ. Дар давраи Ҷанги Бузурги Ватанӣ фармондеҳи дивизияҳои аскарони савораи гвардияи 2, 3, 4-ум ва корпуси 5-уми аскарони савора (1944—1944); аз ноябри 1944 ба гурӯҳи 1-уми гвардиягии савораи механиконидашуда дар Фронтҳои Ғарбӣ, Ҷанубӣ, Ҷанубу Ғарбӣ, Даштӣ, Фроптҳои 3-юми Украина, 1-уми Белоруссия, 2-юми Украина ва Забайкалия фармон медод. Баъди ҷанг дар қӯшунҳо вазифаҳои масъулро иҷро мекард, солҳои 1955— 1958 ҷонишини 1-ум, аз соли 1958 фармондеҳи қӯшунҳои Округи ҳарбии Кавкази Шимолӣ. Аз соли 1968 инспектор-машваратчии ҳарбии гурӯҳи Инспекторони генералии Вазорати мудофиаи СССР. Солҳои 1961—1966 номзад ба аъзоии КМ КПСС. Депутати Совети Олии СССР (даъватҳои 2—7). Бо 5 ордени Ленин, 3 ордени Байрақи Сурх, 2 ордени Суворов (дараҷаи 1), ордени Кутузов (дараҷаи 1), 9 ордени хориҷӣ ва медалҳо мукофотонида шудааст.