Перовскит

Перовскит (аз номи арбоби давлатки рус, генерал Л. А. Перовский), минералест аз синфи оксидҳо. Таркиби химиявиаш СаТiOз (41,24% СаО ва 58,76% ТiO₂); баъзан омехтаҳои Се (кнопит), Nb, Се, Ғе (дизана­лит), Na, Се, Тi, Nb (лопарит) до­рад. Дар системаи псевдокубӣ крис­талл мебандад. Сахтиаш 5,5—6; зичиаш 3950—4040 кг/м³. Рангаш сиёҳ, сиёҳи хокистартоб, бӯри сурхтоб, зарди кушод; ҷилояш металлӣ. Асо­сан дар ҷинсҳои ишқорию ултраасосӣ ва контактӣ вомехӯрад. Баъзе минералҳои гурӯҳи Перовскит ашёи хом ҳисоб меёбанд. Аз кнопит элементҳои гурӯҳи серий ва аз лопарит ниобий, титан мегиранд.