Османова Зоя Григоревна (таваллудаш 13. 4. 1924, Боку), шарқшинос-эроншиноси советӣ, доктори илмҳои филологӣ (1972). Аъзои КПСС аз соли 1963. Институти шарқшиносии Москваро хатм кардааст (1947). Аз соли 1954 ходими илмии Институти адабиёти ҷаҳонӣ ба номи А. М. Горкий. О. доир ба таърихи адабиёти форс-тоҷик ва назарияи адабиёти сермиллати советӣ бештар аз 100 таълифот дорад.
Эҷодиётп С. Айнӣ, А.Лоҳутӣ, М. Турсунзода, Ҷ. Икфомӣ, Ф. Ниёзӣ ва дигаронро тадқиқ кардааст. Китобҳои «Очерки таърихи адабиёти советии тоҷик» (1961), «Таърихи адабиёти карачаӣ» (1966), «Очерки таърихи адабиёти советии туркман» (1980) ва осорӣ бахшида ба баъзе проблемаҳои инкишофи адабиёти форс-тоҷик зери таҳрири О. чоп шудаанд. О. аз ҷумлаи муаллифон ва муҳаррирони китоби шашҷилдаи «Таърихи адабиёти сермиллати советӣ» (1970—1974) ва муаллифи китоби «Консепсияи бадеии шахсият дар адабиёти Шарқи Советӣ» (1972) мебошад. Тадқиқоти О. ба масъалаҳои муҳиммн адабиёти халқҳои Осиёи Миёна ва Казоқистон, алалхусус, ба анъанаву навоварй ва масъалаҳои робитаҳои адабӣ Оиданд.