Оолит

Оолит (аз юнонӣ ооп — тухм ва lithos — санг), ташкилаҳои курашакл ё эллипсмонанди минералҳоеро гӯянд, ки аз оксид ва силикатҳои оҳану манган, калсит, доломит, араго­нит, родохрозит, лептохлорит ва ғайра иборатанд.

Оолит аз якчанд мкм то 15— 25 миллиметр андоза дорад. Оолити андозааш аз 2—5 миллиметр калонтар пизолит ном дорад. Одатан (на ҳамеша) мағзи Оолит аз регреза ё пораи гӯшмоҳии ягон организм иборат буда, минбаъд дар атрофи он қабатҳои тунуки таҳнишастҳо ба шакли доира ҷамъ шудан мегиранд. Оолити оҳанӣ як навъи маъдани охан мебошад.