Норит (норв. norit, аз Norge — Норвегия), ҷинси кӯҳии кристаллии дона-дона аз гурӯҳи габбро. Норит аз габбро бо ҳамин фарқ мекунад, ки дар таркибаш ба ғайр аз минералҳои хоси габбро боз минералҳои сиёҳ тоб—пироксени ромбӣ (одатан бронзит, баъзан энсгатит ва гиперстен) дорад. Агар дар таркибаш ду хел пироксен (ромбӣ ва моноклинӣ) дошта бошад, габбропорит номида мешавад.
Норит аз плагиоклазҳо (зиёда аз 50%, асосан анортит), оливин на миқдори ками минералҳои маъданӣ (магнетит, титаномагнетит ва минералҳои сулфидӣ) иборат аст. Норитро ҳамчун масолеқи бинокорӣ истифода мебаранд.