Налский Яков Исаакович (таваллудаш 23. 08. 1913, деҳаи Хлестановшина, вилояти Иркутск), фолклоршинос ва журналисти советӣ.
Аъзои КПСС аз соли 1957. Соли 1949 Институти давлатии педагогии Душанберо хатм кард. Иштирокчии Ҷанги Бузурги Ватанӣ (1941-1945). Дар газетаи «Коммунист Таджикистана» вазифаҳои гуногунро иҷро кардааст. Аз соли 1958 мухбири ТоҷикТА. Афсонаҳои халқии тоҷикро ҷамъ оварда, ба шак- ли китобчаҳои алоҳида барои нашр ҳозир намуд (1941, 1950, 1951). Муаллифи рисолаи «Шоири халқӣ» (1956, дар бораи Бобоюнус Худойдодзода), повести ҳуҷҷатии «Инженер» (I960), китоби «Ҳикояҳо дар бораи Тоҷикистон» (1968), повести ҳуҷҷатии «Дар кӯҳҳои Бухорои Шарқӣ» (кит. якум, 1974, кит. дуюм 1977; аз рӯи ин асар филми телевизионӣ «Хонадонатон дар амон бод» таҳия гардида, соли 1982 намоиш дода шуд) ва повести «Қиссаи водии ҷанубӣ» (1981) мебошад. Якчанд очеркҳояш дар шакли китоби алоҳида ва дар маҷмӯаҳо ба табъ расидаанд. Аз соли 1958 узви ИН ИТТИҲОДИ ШӮЪРАВӢ. Бо ордени Ситораи Сурх ва медалҳо, Грамотаҳои Фахрии Президиуми Совети Олин РСС Тоҷикистон мукофотонида шудааст.