Нах дар растанӣ, унсури механикии бофтаи растанӣ, ки аз ҳуҷайраҳои деворағафс иборат аст. Қаишӣ ва мустаҳкамии растанӣ ба Нах вобаста буда, он такягоҳи бофтаҳои ғизо ва обгузар мебошад. Нах дар лиф ва пӯстлохи поя (нахи лиф) ё чӯб (лифи дарахт ё либриформ) инкишоф меёбад.
Нахи лифи баъзе растаниҳо (пахта, зағир, катон, канаф, рами ва ғайра) ашьёи бофандагй мебошанд. Аз пӯсти лифи зирфун дастмол, чипта ва ғайра тайёр мекунанд. Нахи дарахтро ҳам, баъди бо усулҳои мураккаби механикӣ ва химиявӣ кор кардан, дар истеҳсолоти бофандагӣ (шоҳии сунъӣ) истифода мебаранд. Нигаред низ Нахҳои табий, Нахи пахта, Растаниҳои нахдор.