МУВОЗИНАТИ СТАТИСТӢ

МУВОЗИНАТИ СТАТИСТӢ, ҳолати системаи статистии сарбастаеро гӯянд, ки дар он қимати миёнаи ҳамаи бузургиҳои физикии ҳолати мазкурро тавсифдиҳанда ба вақт вобаста нестанд. Мувозинати статистӣ яке аз мафҳумҳои асосии физикаи статистист. Ба маънои механикиаш Мувозинати статистӣ мувозинат нест, чунки дар ин маврид ҳам дар система флуктуацияҳои хурд ҷой дорад. Назарияи Мувозинати статистиро физикаи статистӣ меомӯзад (бо ёрии тақсимоти Гиббс ном методи математикӣ).