МУРОФИАИ ҶИНОЯТӢ, 1) фаъолияти органҳои тадқиқот, тафтишот, прокуратура ва суд доир ба cap кардан ва ҳал намудани корҳои чиноятӣ. Мурофиаи ҷиноятӣ мувофиқи тартибе, ки ҳуқуқи мурофиаи ҷиноятӣ муқаррар кардааст ва бо воситаю усулҳои пешбинкардаи он гузаронида мешавад. Вазифаи Мурофиаи ҷиноятии советӣ зуд ва пурра ошкор кардани ҷиноят, одилона ҷазо додани ҷинояткорон, дар рӯҳи бемайлон ба ҷо овардани қонунҳои советӣ тарбия намудани гражданҳо мебошад. Мурофиаи ҷиноятиро органҳои ваколатдор мегузаронанд. Ҳамаи амалиёти мурофиавӣ (тафтишотӣ ва судӣ) қатъиян мувофиқи мукаррароти қонун гузаронида мешавад. Суд, прокурор, муфаттиш ва органи таҳқиқи ибтидоӣ вазифадоранд, ки дар доираи ҳуқуқу ваколатҳои худ дар мавриди зоҳир гардидани аломатҳои ҷиноят кори ҷиноятиро cap кунанд, барои муайян кардани ҳодисаи ҷиноят ва шахсоне, ки дар содир кардани ҷиноят гунаҳкоранд, инчунин барои ҷазо додан ба онҳо дар асоси қонун чорадо бинанд (моддаи 3 Кодекси МҶ Республикаи Советии Сотсиалистии Тоҷикистон). Мурофиаи ҷиноятӣ аз якчанд давраи пай дар ҳам, яъне cap кардани кори ҷиноятӣ, таҳкиқотӣ, тафтиши пешакӣ, ба суд додан, мурофиаи суд, мурофиаи кассасионӣ (.нигаред. Кассасия), ичрои ҳукм, дар баъзе ҳолатҳо мурофиаи назоратй ва мурофиа доир ба ҳолатҳое, ки нав ошкор шудаанд ва ғайра иборатаст. 2) Илмест, ки қонуният, мафхуму принсипҳои асосии Мурофиаи ҷиноятӣ ва ғайраро меомӯзад. Муҳимтарин қисми илми Мурофиаи ҷиноятӣ назарияи далелҳо мебошад, ки масъалаҳои исбот ва ба далелҳо баҳо доданро дар аснои дидани корҳои ҷиноятӣ дар бар мегирад.