МЕТИЗАЦИЯ

МЕТИЗАЦИЯ, метизонӣ (Франс, metisation аз metis — аз ҷуфтии ду зот ба вуҷудомада), ҷуфтикунонии байнизотӣ, яке аз усулҳои зиёд кардани ҳайвоноти хоҷагии қишлоқ, ки дар натиҷаи ҷуфтии зотҳои гуногуни ҳайвонот (аз доираи як ҷинс) ба амал бароварда мешавад. Метизацияро барои беҳтар намудани зотҳои кӯҳна ва ба вуҷуд овардани зотҳои нави ҳайвоноти хоҷагии қишлоқ, инчунин дар ҷуфтии саноатӣ истифода мебаранд. Дар мавриди охирӣ фақат насли аввал (ба ном дурага ё метис) -ро мегиранд, ки нисбатан пурмаҳсул ва тоқатоваранд.