ЛОЛАИ МАҲМЁЗ (Corydalis), ҷинси растанӣ аз оилаи шохтаранҳо. Алафи бисьёрсола, баъзан ду ё яксола. Барги бонавбати ду-се карат се парра, гули зигоморфии сафед, зард, бунафш ё қирмизӣ ва ғӯзамеваи дарозрӯяи дуқабата дорад. Қариб 280 намуди Лола м. дар қисмҳои муътадили Евросиё ва Америкаи Шимолӣ паҳн шудааст. Дар СССР қариб 70 намудаш, асосан дар Сибирь ва қаторакӯҳои Осиёи Миёна вомехӯрад.
Дар Тоҷикистон 14 намуди Лолаи маҳмёз м. мавҷуд буда, дар байни онҳо С. Le- debouriana (дар ноҳияҳои наздикӯҳӣ ва баландкӯхии ҳамаи райони республика ғайр аз Помири Ғapбӣ) ва С. aevertzovii (дар Тоҷикистони Шимолӣ) бештар паҳн шудаанд.
Пиёзаки намудҳои мазкур алкалоидҳои протопин, сангвинарии ва аллокриптолпин дорад. Ҷӯшоби барги С. severtzovii дар тибби халқӣ барои муолиҷаи латма ва шикасти устухон истифода мешавад.
Ад.: Флора Таджикской ССР, т. 4, Д., 1975. Т. Ф. Кочкарёва.
ЛОМ ( J), НОМИ ҳарфи бисту сеюми алифбои арабӣ ва аз С «ламед»-и алифбои финиқӣ пайдо шудааст. Қимати ададии он дар ҳисоби абҷад ба 30 баробар аст. В. Капранов.