ФОХИРИ РОЗӢ Абӯмафохири Мунҷиқ

ФОХИРИ РОЗӢ Абӯмафохири Мунҷиқ (соли таваллуд ва вафот номаълум), шоири форс-тоҷик (асри 12). Дар Рай зиндагӣ ва эҷод кардааст. Шеърҳои Фохири Розӣ кам мондаанд. Аз ашъори у 13 байт дар «Маҷмаъ-ул- фусаҳо»-и Ризоқулихони Ҳидоят ва 3 қитъа дар «Ҳафт иқлим»-и Амин Аҳмади Розӣ зикр шудааст. Намунаи ашъори ӯ:
Боли мурассаъ бисӯхт мурғи муламмаъ бадан.
Ашки Зулайхо бирехт Юсуфи гулпираҳан.
Сафҳаи сандуқи чарх гашт нагунсор боз.
Кард бурун мори субҳ мӯҳраи Меҳр аз дахан. С. Воҳидов.