Шаҳри ЧОРҶӮӢ

ЧОРҶӮӢ, шаҳр, маркази вил. Чорҷӯи РСС Туркманистон. Дар соҳили чапи д. Аму воқеъ аст. Узели калони р. о., бандари дарёӣ. Аҳолиаш 155 ҳаз. наф. (1964). Корхонаҳои саноатиаш: комб-и абрешим, ф-каҳои пашмресию бофандагӣ, трикотаж, дӯзандагӣ, пойафзол, заводҳои пӯсти қарокӯлӣ, пахтатозакунӣ, комб-и гӯшт, заводҳои шир, ширинбия, з-дҳои суперфосфат, ф-каи мебел ва заводи масолеҳи бинокорӣ. Ин-ти педагогӣ, техникумҳои бофандагӣ, дарёнавардӣ ва х. қ. омӯзишгоҳҳои тиббӣ ва мусиқӣ, музеи таъриху кишваршиносӣ, Ст. таҷрибавии кирмакдории Туркменистон ва ст. таҷрибавии мелиоративӣ мавҷуданд. Шаҳр дар а. 4 то м. дар замони юришҳои Искандари Мақдунӣ ба вуҷуд омада, бо номи Омул маълум буд. Дар аҳди Темуриён Чорҷўӣ ном гирифт. Солҳои 1939— 63 ва аз 1970 маркази вилоят.