«БОНКДОРӢ ДАР ТОҶИКИСТОН», маҷаллаи иттилоотӣ-бонкии Бонкӣ миллии Тоҷикистон. Аз августи 1996 то соли 2008 бо номи «Ахбори Бонкӣ миллии Тоҷикистон» ба забонҳои тоҷикӣ ва русӣ нашр мешуд. Аз августи 2009 ба забони тоҷикӣ бо ин ном ба табъ мерасад. Дар саҳифаҳои «Бонкдорӣ дар Тоҷикистон» бештар матолиби марбут ба низоми бонкӣ ва фаъолияти бонкҳо, навидҳои низому мушкилот ва рушду тараққиёти ин соҳа чоп мешаванд. Фаъолияти «Бонкдорӣ дар Тоҷикистон» ба татбиқи сиёсати пулию қарзии Бонкӣ миллии Тоҷикистон, таҳкиму побарҷо будани қурби пули миллӣ ва таблиғи навгониҳои иқтисоди бозоргонӣ равона шудааст.
Маҷалла дар баробари навгониҳои бонкии кишвар аз фаъолияти бонкҳои давлатҳои ИДМ ва Амрикову Иттиҳоди Аврупо, таърихи бонкҳову дигар масоили марбут ба низоми бонкдорӣ низ матолиб ба табъ мерасонад. Адали нашраш 500 нусха (2013).