БОҲИРОВ Шокир

БОҲИРОВ Шокир (1914, деҳаи Кӯиқозиёни ноҳияи Конибодом 4.10.1987, ҳамон ҷо), агроном, Қаҳрамони Меҳнати Сотсиалистӣ (1966). Хатмкардаи техникуми кишоварзии Хуҷанд (1935). Сол­ҳои 1935-37 агрономи МТС-и ноҳияи Курғонтеппа, 193740 ҷонишини директор ва муаллими мактаби такмили ихтисоси роҳбарони колхозҳо, 1940-53 сарагроном ва директори МТС-и Қарақчиқум, 1953-55 раиси комиҷроия, 1955-69 раиси колхози «Ленин­град», 1969-75 раиси кумитаи итгифоқи касабаи кормандони кишоварзии ноҳияи Конибодом буд. Аз соли 1975 нафақагир. Депутати Шӯрои Олии ҶШС Тоҷикистон (даъватҳои 4 ва 5). Бо 2 ордени Ленин, ордени Байрақи Сурхи Меҳнат, 3 ордени «Нишони Фахрӣ», медалҳо ва грамотаҳои фахрии Раёсати Шӯрои Олии ҶШС Тоҷикистон сарфароз гардидааст.