АБУСАИД МУҲАММАДИ ХУҶАНДӢ Абӯсаид Муҳаммад ибни Абубакр ибни Собит ибни Ҳасан ибни Алии Хуҷандӣ (соли таваллуд номаълум – вафот 1137), шоир, адиб, фақехи форс-тоҷик. Писари Абубакр Муҳаммади Хуҷандӣ. Ба монанди дигар намояндагони Оли Хуҷанд саводи ибтидоиро дар назди падар баровардааст. Баъдтар таҳсилро дар мадрасаи Низомияи Исфаҳон идома дод. Бад аз хатми таҳсил ба вазъ гуфтан машғул шуд Дар ваъзҳояш мазҳаби шофеияро тарғиб мекард. Ҳангоми ваъзгӯияш кушта шуд.
Адабиёт: Саид Нафисӣ, Таърихи назму наср дар Эрон ва дар забони форсӣ, Тошкент, 1344 ҳиҷрии шамсӣ.