Нӯшдору (противоядие) гӯё доруе бу­да аст ҷонбахш, зидди марг. Мувофиқи равобити «Шоҳнома»-и Фирдавсӣ Рустам пас аз захмдор кардани Сӯҳ­роб ӯро шинохт ва аз кардааш пу­шаймон шуда, барои сиҳат шудани Сӯҳроб, ки дар дами марг буд, тавассути Гударз аз Ковус Нӯшдору хост. Ковус аз тарси он, ки Рустам бо писараш Сӯхроб …

«Нӯш»  1) оҳанг, суруди мавсимию маросимии қадимиест, аз таснифоти Борбади Марвӣ. 2) Яке аз оҳангҳони «Сигона*-» Борбади Мар­вӣ. 3) Шӯъбаи овозӣ дар «Понздаҳ- мақом». 4) Гӯшаи иловагиест ба шӯъбаҳои «Наврӯзи сабо» «Наврӯ- зи Аҷам», «Наврӯзи хоро», ки асрҳои 14—15 санъаткорони форс-тоҷик ба­рои такмили қисматҳои созии ин шӯъбаҳо истифода намудаанд.

Нӯл, м и н қ о р, узви паррандаҳост, ки аз ду ҷоғи дарози бедандон ҳосил шуда, рӯяшро ғилофи шохӣ — рамфотека пӯшондааст. Рамфотека муттасил фит ва хӯрда шуда, боз месабзад ё соле як бор нав мешавад. Дар ҷанини паррандаҳо дар болонӯл дандони байзавӣ инкишоф меёбад, ки он барои шикастани …

Нукар навкар  дар асрҳои миёна хизматчии ҳарбии феодалони калон, хон, шоҳ ё султон. Нукар аз ибтидои асрҳои миёна маъмул буда, дар ҳолати ҷанг пеш аз ҳама ҷанговар ва дар замони осоишта — посбон, муқарраб ҳисоб меёфт. Ба ива­зи хизмати Нукар аввалҳо хонаю ҷой, хӯрок, либос, яроқу аслиҳа ва сонитар қисми …

Нӯзар яке аз персонажҳои «Шоҳнома»-и Фирдавсӣ, нӯҳумин подшоҳи силсилаи Пешдодиён. Подшоҳӣ ба ӯ пас аз падараш Манучеҳр расид. Нӯзар пас аз муддате подшоҳӣ аз роҳу равиши одилонаи падар берун баромад ва ин сабаби парокандагии лашкар ва дилхунукии мардум гардид, Подшоҳи Тӯрон — Пашанг аз ин ҳолат истифода наму­да писаронаш — …

Нӯгтез, олати сангин давраи па­леолит аст. Нӯгтезро аз саҳфаҳои секун­ҷа дар шакли кӯтоҳ ва паҳн тайёр мекарданд. Нӯги Нӯгтез одатан секунҷа буд. Нӯгтез ҳамчун корд барои коркарди чӯб, шикори ҳайвонот ва ғайра ис- тифода мешуд.

Нюрберг (Nurnberg), шаҳрест дар Республикаи Федеративии Германия, дар сарзамини Бавария. Дар соҳили дарёи Пегнис ва канали Людвигс чойгир шудааст. Аҳолиаш 499,2 ҳазор нафар (1976). Узели калони роҳи оҳан ва нақлиёти автомобилӣ; аэропорт дорад. Яке аз калонтарин марказҳои саноатии Республикаи Федеративии Германия. Соҳаҳои муҳими саноаташ: электротехника, дастгоҳсозӣ, механикаи дақиқ, истеҳсоли маснуоти …

Няя (савскр., айнан — қонун, қоида, умуман мантиқ), яке аз равияҳои фалсафаи Ҳинди Қадим. Дар таълимоти Няя мантиқ ва гносеология мавқеи калон доштааст. Пайдошни Няя бо номи ҳакими афсонавӣ Готама вобаста аст. Мувофиқи таълимоти Няя таркиби олами моддиро атомҳо таш­кил медиҳанд ва омезиши онҳо боиси ташаккули ҳамаи предметҳо мегардад. Ғайр …

Нясаленд (Nyasalond), собиқ мустамликаи Англия дар Африкаи Шарқӣ. Солҳои 1953—63 ба ҳайати Федерасиям Родезия ва Нясаленд, ки Британияи Кабир ташкил дода буд, дохил мешуд. 6 июля 1964 ба ҷои Нясаленд давлати Малави ташкил ёфт.

Няса (Nyasaj, Малави, (Ma­lawi) кӯл дар Африка, дар ҳудуди Мозамбик, Танзания ва Малави. Баландиаш аз соҳили баҳри 472 метр. Масоҳат 30,8 ҳазор километр, чуқуриаш то 706 метр. Аз Няса шохоби чапи дарёи Замбези — Шире ҷорӣ мешавад. Соҳилҳои кӯл росту шахдор ва баланд. Мавсими боронгарӣ (моҳи май) сатҳи об то …