Павели 1

Павели 1 (1. 10. 1754, Петер­бург —24. 3. 1801, ҳамон ҷо), императори Россия (1796—1801). Писари Пётри III ва Екатеринаи II. Дар ибтидои ҳукмронии худ Павели I бисёр қонуну қоидаҳои Екатерина ҷорӣ кардаро тағйир дод, вале дар корҳои дохили мамлакату сиёсати Екатеринаи 11-ро пеш гирифт. Павели I манфиати помещикону феодалонро ҳимоя ме­кард. Хуруҷи деҳқононро бераҳмона фурӯ менишонд.

Дар армия аз рӯи тартиботи ҳарбии Пруссия ислоҳот гузаронд, дар ҷангҳои коалисионии зидди Франсия иштирок кард. Аммо зиддияти байни Павели I ва иттифоқчиёни ӯ (Австрия ва Англия) ва умеди вай ба он, ки Наполеон худаш музаффариятҳои револютсияи Франсияро барҳам медиҳад, ӯро ба наздикшавӣ бо Франсия оварда расонд. Хӯрдагирии разилонаи Павели I, феълу атвори ноустувори ӯ дар байни дарбориён норизигӣ ба амал овардаанд. Ин норозигӣ боз аз он сабаб авҷ гирифт, ки муносибатҳои тиҷоратии Россия ва Англия дар натиҷаи тағйир ёфтани сиёсати берунӣ халалдор шуданд. Павели I дар арафаи шаби 12 марти 1801 дар қалъаи Михайловск аз тарафи суиқасдчиён кушта шуд.

Дар борамон M. A.

Инчунин кобед

plankton

Планктон

Планктон (аз юнонӣ planklos — гумроҳ, беҳаракат), як гурӯҳ ҷонва- ронеро гӯянд, ки дар қабати …