МУЗЕИ ГЕОЛОГИИ Управленияи геологияи Республикаи Советии Сотсиалистии Тоҷикистон, ки соли 1959 дар шаҳри Душанбе бо ташаббуси Геологи Хизматнишондодан Республикаи Советии Сотсиалистии Тоҷикистон. Д. 3. Гачечиладзе таъсис ёфтааст. Асоси экспози- сияи онро коллексияи матерналҳое ташкил медиҳад, ки онҳоро ишти- рокчиёни партияҳои геологӣ ва геологҳои ҷудогона аз соли 1939 инҷониб ҷамъ кардаанд. Охири соли 1970 музей ба бинои нави махсус кӯчонида шуд. Музеи геологӣ З шуъба дорад: систематики (таълимӣ), сарватҳои зеризаминӣ, геологияи регионалӣ. Шуъбаи систематикӣ коллексияи соҳаҳои минералогия, петрография, кристаллография, палеонтология ва палеоботаникаро дар бар мегирад. Шуъбан сарватҳ о и зеризаминӣ шуъбаи асосӣ буда, дар он коллексияҳои тамоми конҳои истифодашаванда ва баъзе конҳои дорои аҳамияти илмии республика гирд оварда шудаанд. Шуъбаи геологияи регионалӣ сохти геологии территорияи Тоҷи- кистонро инъикос менамояд. Дар музей фактҳои геологии мактабҳои олӣ ва миёнаи махсус оид ба соҳаҳои минералогия, петрографии ва кристаллография машғулиятҳои амалӣ мегузаронанд. Музеи геологӣ, мутахассисони ҷавон ва мактаббачагонро бо сохти геологӣ ва сарватҳои зеризаминии кишварашон шинос мекунад. Музеи геологӣ музейҳои таъриху кишваршиносӣ, стансияи сайёҳони ҷавон, мактабҳо, техникум ва институтҳои республикаро бо ҳар гуна коллексияҳо таъмин менамояд; бо бисёр музей ва муассисаҳои геологии мамлакатамон робита дорад.
Г. Рубсова.