ХРЕСТОМАТИЯ (юн. chrestoma-theia, аз ehrestos—судбахш ва manthano— мехонам), китоби хонишест, ки дар он материалҳои ягон соҳаи дониш мураттаб интихоб шудаанд. Он ба тариқи маҷмўа аз порчаҳои мунтахаби бадеӣ, ёддошт, илмӣ, публицистӣ, инчунин ҳуҷҷатҳои мухталиф иборат буда метавонад. Одатан, материалҳое, ки ба Xрестоматия дохил мешаванд, мувофиқи мавзўи таълимии илми муайян ва ё бо мақсади худомўзӣ интихоб мегарданд.