ХОРИ ЧОРСАР, палиурус (Ра-liurus jpina), як навъ буттаи сершоху серхорест (аз оилаи Rhmnaceae. То 1,2 м қад мекашад.
Xори чорсар дар шароити табии Тоҷикистон аз тухм зиёд мешавад. Тухмаш моҳи май мерўяд. Қади Xори чорсари 20— 25 сола ба 2 м мерасад. Дар нишебиҳои куҳҳои Ҳисор (ҳавзаи д. Варзоб) ва Қаротегин (ҳавзаи дарёҳои Кофарниҳон ва Сурхоб) мерўяд. Асосан дар ҷангалзори гармсер вомехурад. Дар ҷангалдории куҳӣ аҳамияти калон дорад, нишебиҳои санглохи куҳро мустаҳкам мекунад ва хокро аз обшуй шудан нигоҳ медорад. Xори чорсар буттаи хуби ороишист (алалхусус дар айёми мевабандӣ).
Аз ин рў, онро барои сабзкории шаҳру деҳот тавсия додаанд.
Ад.: Запрягаева В. И., Лесные ресурсы Памиро-Алая, Л., 1976.
А. Ашуров.