ХОНЗОДАИ БУЛБУЛ (с. тав. ва ваф. номаълум), ҳофиз, оҳангсоз ва навозандаи форс-тоҷик (а. 15). Дар Ҳирот таваллуд шудааст. Xонзода Булбул санъати мусиқиро дар зодгоҳаш омўхта, баъдтар ба Самарқанду Бухоро омада, бо аҳли мусиқии ин шаҳрҳо ҳамкорӣ кардааст. Xонзода Булбул дар санъати рақсу ширинкорӣ низ маҳорати баланд дошта, ашхоси гуногуни давраашро ҳаҷв кардааст. Мусаннифи оҳангу таронаҳои «Пешрави Булбул», «Савти Булбул», «Амали Хонзода», «Нақши Булбул» ва ғ. Л. Раҷабов.