УШКУФАИҲО

УШКУФАИҲО, ушиҳо (Grassuliceae), як оилаи гиёҳҳои яксола, бисёрсола ва нимбуттаро гӯянд. Барги одатан сергӯшту сероб, гули дуҷинса ё якҷинса, хӯшагули чатршакл, саракмонанд, туғшакл ва ғайра доранд. Тухмашон майда (дарозиаш 0,5—1 мм), одатан байзашакл.

Дар дунё 35 ҷинс (тақрибан 1500 намуд)-и Ушкуфаиҳо (бештар дар ноҳияҳои камбориши субтропикии Африкаи Ҷанубӣ, Мексика, кишварҳои баҳри Миёназамин ва ғайра) мерӯянд. Дар СССР 10 ҷинс (125 намуд), аз ҷумла дар Тоҷикистон 7 ҷинс (29 намуд)-и ушкуфаиҳо (масалан, ушкуфа, шибоғчой, гули ноз, инчунин Rhodiola, Sedum, Рswidosedum, Сlementsia ва ғайра) нумӯ меёбанд. Бисёр Укуфаиҳо растаниҳои доруӣ ва ороишианд. М. Ҳоҷиматов.