ТЕРЕСКЕН

ТЕРЕСКЕН  як ҷинси буттаву нимбуттаҳост аз оилаи шураҳо. Дар СССР (ҷануби Қисми европоӣ, Сибир, Кавказ, Осиёи Миёна, аз он ҷумла РСС Тоҷикистон) 2 намуди терескен —  С. latens ва С. еvercmanianna дар маҳалҳои санглоху регзор, дашт, нимбиёбону биёбон месабзад. Июл —  август, гул карда, август— сентябр тухм мебандад. Терескен растании хуби хӯроки чорвост.

Дар Помир беш аз 1 млн га терескензор ҳаст. Терескензор чарогоҳи хуб ба ҳисоб меравад. Баргу пояи терескенро бузу гӯсфанд, аслу шутур нағз мехурад. Хошоки терескен 14,7— 18,1% протеин, 11,8—25,1% сафеда,I,    5—4,8% равған, 0,2—1,3% оҳар (крахмал), 0,6—6,1% қанд, 29,5— 42,6% моддаҳои киёмии бенитроген, 11, 9—14,9% моддаҳои минералӣ дорад. Терескени хушкро чун ҳезум ҳам истифода мебаранд.

Адабиёт: Флора Таджикской ССР. том 3, Л.,

1968; Юсуфбеков X. Ю., Касач

А.      Е., Терескси на Памире, Душанбе. 1972.

А.                                         Мадаминов.