«ТАЪЛИҚОТ» – асари илмию фалсафии Ибни Сино

«ТАЪЛИҚОТ» (арабӣ — афзудаҳо), номи асари илмию фалсафии Ибни Синост, ки шогирдаш Баҳманёр Ибни Марабон онро китобат намуда, шарҳ додааст. Дар китоб низому тартиби муайян дида намешавад. Он аз ҷиҳати ғояву мазмун бо таснифоти дигари ӯ робитаи узвӣ дорад. Асар эҳтимол байни солҳои 404—412 ҳиҷрӣ шамсӣ навишта шуда бошад.
Бештари «таблиқот» ба мантиқ, илоҳиёт ва маърифат оид буда, роҷеъ ба масъалаҳои мухталифи фалсафии асрҳои миёна баҳс мекунад. Тадқиқи асари мазкур барои таъбири бисёр масъалаҳои баҳснок ҷаҳонбинин Шайхурраис ва баъзе лаҳзаҳои таърихи фалсафаи халқҳои форсу тоҷик нақши муҳим дорад.
Ф. Сироҷов.