СУЛТОНМУҲАММАДИ ТАБРЕЗӢ

СУЛТОНМУҲАММАДИ ТАБРЕЗӢ (1470, Табрез — 1555, ҳамон ҷо), мусаввир ва минётурнигори форс-тоҷик. Яке аз намояндагони намоёни Мактаби минётури Табрез. Аз ҷумлаи шогирдони Оқо Мирали Наққош. Дар Китобхонаи Табрез ба ороиш, мунаввирӣ ва китобат машғул буд. Ба девони Ҳофиз_ (1535, 1517—40), «Хамса»-и Низомӣ (1539—43) минётурҳо офаридааст. Инчунин тахмин мекунанд, ки ӯ «Шоҳнома»-и Фирдавсӣ (1537), ва девони Навоиро (1527) бо минётурҳо оро додааст. СултонмуҳаммадиТабрезӣ инчунин як силсила минётурпортретҳо офарида, болои қолин эскизи манзараҳои шикорро кашидааст. Дар заргарӣ ва чинисозӣ низ моҳир будааст.