Таджикистан – Энциклопедия на таджикском языке КИТОБАМ
СУЭЦ, шаҳрест дар шимолу шарқи Миср, маркази маъмурии музофоти Суэц, аҳолиаш 194 ҳазор нафар (1976). Бандар дар соҳили Канали Суэц, дар вурудгоҳи баҳри Сурх. Корхонаҳои саноати истеҳсоли маҳсулоти нефт, химияи нефт ва саноати хӯрокворӣ дорад. Суэц аз қадим чун маркази савдо маълум буда, махсусан баъди кушода шудани Канали Суэц (1869) рӯ ба тараққӣ ниҳод. Ҳангоми ҳуҷуми Исроил (1967) ва амалиёти ҳарбӣ дар Шарқи Наздик (октябри 1973) шаҳр зарари калон дид.
