ШАХСИ ЮРИДИКӢ

ШАХСИ ЮРИДИКӢ, дар ҳуқуқи гражданӣ, ташкилот, муассиса ё корхонаеро гуянд, ки мувофиқи қонун он дорои (субъекти) ҳуқуқу уҳдадориҳои гражданӣ мебошад. Дар СССР Шахси юридикӣ соҳиби молу мулки алоҳида буда, ҳуқуқи молумулкӣ ва ҳуқуқи шахсии ғайримолумулкӣ дорад. Он вазифаҳояшро ба ҷо оварда, дар суду арбитраж ва ё судҳои ҳакамӣ даъвогар ё ҷавобгар шуда метавонад. Ҳуқуқи расмии Шахси юридикӣ мувофиқи мақсаде, ки дар устави он пешбинӣ шудааст, муайян карда мешавад.